Бананите се омиленото овошје на многу луѓе, но дали знаевте дека во Германија можат многу да ве чинат?
Во Германија има специјална забрана за бананите која важи низ целата земја. Всушност, станува збор за фрлање на кората од банана, со оглед на тоа што многу луѓе погрешно мислат дека можат да ги фрлат остатоците од овошје директно во природата.
Иако кората од банана е биоразградлива, таа сепак се смета за отпад. Проблемот е што лушпите од банана скапуваат релативно бавно. Доколку отпадот падне во природа или на улица, тоа е административен прекршок, а забраната се заснова на таканаречениот Закон за циркуларна економија (Kreislaufwirtschaftsgesetz – KrWG), пишува магазинот Fenix.
Забраната важи во цела Германија.
Дополнително, фрлањето кора од банана на јавни места може да биде опасно, бидејќи кората може да предизвика лизгање и паѓање, како и да ѝ наштети на околината. Затоа властите сериозно го сфаќаат овој вид прекршување и преземаат соодветни санкции.
Значи, иако можеби изгледа како мала работа, тоа навистина не е дозволено во Германија.
Прекршувањето на забраната резултира со парична казна.
Прекршувањето на оваа забрана може да резултира со парична казна, чиј износ зависи од областа каде што се случил прекршокот
Во голем дел за овој прекршок е предвидена казна од 10 до 25 евра. Меѓутоа, кај некои сумата е значително поголема. На пример, Долна Саксонија може да наплати до 50 евра, Хамбург до 70 евра, а Сар до 100 евра.
© Vecer.mk, правата за текстот се на редакцијата
