Љубовната приказна на Џун и Хуберт Маликот завршила минатата недела по речиси осум децении заеднички живот. И двајцата имале по 100 години.

Нивниот 76-годишен син Сем изјавил за Дејтон Дејли Њуз дека неговата мајка тешко се разболела по Денот на благодарноста, по што била сместена во хоспис. Ова го скршило Хуберт, па набрзо и самиот завршил на истото место. „Се распадна“, рекол синот.

Тие ја делеле просторијата во хосписот, каде што поминале пет дена заедно без свест. Околу 21 часот на 30 ноември, Хуберт починал во сон. А според неговиот син Сем, причина за неговата смрт било „скршено срце“. 20 часа подоцна, околу 18 часот на 1 декември, починала и Џун.

“Починаа заедно. Тажен сум, но не треба. Кој би можел да очекува таков живот?” заклучил нивниот син. Двојката се запознала во 1941 година на миса, а се венчале една година подоцна. За време на бракот тие добиле три деца, кои им дале седум внуци и 11 правнуци.

Во јуни годинава дадоа интервју во кое открија дека никогаш не се скарале. „Не сме го поминале животот без проблеми, но никогаш не би направиле нешто за да го повредиме другиот. Доколку дојде до расправија, можеби ќе треба да заминете неколку минути за да се смирите. Потоа вратете се и сменете ја темата или работете надвор“, изјавиле тогаш.