Високото ниво на шеќер во крвта е само една од многуте негативни здравствени последици од јадењето погрешна храна за појадок.
Забрзаниот ритам на животот нè доведе во ситуација каде што немаме време за основни работи, кои всушност треба да бидат приоритет. Ова пред сè се однесува на исхраната, во која вклучуваме брзи решенија за да не останеме гладни. Затоа печивата од пекара е најчестата опција што ја избираме, но и најлошата за здравјето на цревата, вели нутриционистката Лиза Ричардс, пренесува Мондо.
Уживањето во разновидни солени и слатки печива за појадок може да донесе моментално задоволство, но нивното влијание врз здравјето и нивото на шеќер во крвта не треба да се занемарува. Печените производи се полни со рафинирани шеќери, нездрави масти и преработено брашно, што може да придонесе за проблеми како што се зголемување на телесната тежина и воспалителни реакции во телото.
– Пецивата се штетни за здравјето на цревата поради нивната висока содржина на шеќер и рафинирано брашно. Овие состојки придонесуваат за брзи скокови на шеќерот во крвта, го стимулираат ослободувањето на инсулин и потенцијално предизвикуваат хронично воспаление – предупредува нутриционистот, додавајќи дека прекумерната консумација на шеќер води до акумулација на масти.
© Vecer.mk, правата за текстот се на редакцијата
