По страшниот инцидент со Марија Ковалчук, нагло се зголеми интересот за приказните на девојките кои одат во Дубаи со надеж дека ќе најдат богатство. За жал, повеќето од нив не само што завршуваат без ништо, туку и го ризикуваат својот живот.
Марија Ковалчук, која давала одредени услуги во Дубаи, била пронајдена со скршени раце, нозе и 'рбет. Кој можел да биде толку брутален? Полицијата засега инсистира на верзијата дека се работи за обид за самоубиство, но малкумина веруваат во тоа. Многу погласни се шпекулациите за мрачните забави за богатите, каде девојките доживуваат не само силување, туку и тешка тортура. Исто така, трговијата со луѓе и присилната проституција не се непознати теми во овој град.
„На таквите забави на девојките може да им се искршат забите, да им се избричат главите на нула – и тоа е само дел од тортурата.
Темната страна на Дубаи: трговија со луѓе
Вистинскиот кошмар се случува надвор од блескавите кули и луксузните хотели. Според активистите за човекови права, Дубаи е една од жешките точки за трговија со луѓе, особено кога станува збор за девојчиња од Африка.
Едно име постојано се повторува во овие кругови - Кристи Голд. Во родната земја долго време е на листата за барани лица, но безгрижно се движи низ Емиратите и води бизнис со накит. Меѓутоа, во Нигерија се убедени дека тоа е само покритие и дека нејзиниот вистински „бизнис“ е продавање девојки во сексуално ропство.
Нејзиното вистинско име е Кристијана Џејкоб Вадијале, а според полицијата, таа водела организирана криминална група која намамувала млади африкански жени во Дубаи, за подоцна да ги принуди на проституција.
"Не водеа во отворен бордел во пустината меѓу Дубаи и Абу Даби. Девојките ги соблекуваа алиштата и ги ширеа на песокот, а потоа доаѓаа мажите. Се работеше од 5 попладне до 11 навечер, без ограничување на бројот на клиенти", рекла една од преживеаните жени.
Мачење како казна
За девојките кои не носеле доволно пари казната била страшна. Тие биле затворани во соба за мачење, изгладнувани и бруталнотепани.
"Ме тепаа додека не изгубив свест. Болката беше неподнослива", изјавила една од жртвите.
Посебно ужасен метод на мачење била пастата од чили пиперка, која се нанесувала на очите и гениталиите.
„Секогаш кога не носевме доволно пари, нѐ тепаа, ни ги триеа очите и интимните делови со лута пиперка. Многу девојки имаа сериозни рани, но не беа однесени во болници, бидејќи не сакаа никој да дознае што ни прават“, пренесува една од жените на агенцијата Ројтерс.
Лекарите потврдиле присуство на хемиски изгореници на телата на жртвите, но Кристијана Вадијале негира се.
„Не се занимавам со трговија со луѓе и немам девојки во Дубаи кои работат кај мене како проститутки“, тврди таа.
Нејзината верзија на приказната е поинаква: таа наводно само им помагала на своите сонародници да најдат сместување во нејзиниот стан, додека нивниот начин на заработка не ја засегал.
Злоупотреба на долгови и страв
Според Меѓународниот конзорциум на истражувачки новинари, речиси сите жени кои преживеале тортура рекле дека биле робови на долгови и заплашувања.
Сите биле од сиромашни села во Африка, каде што дури и 100 долари се огромна сума. Голд ги користела финансиските проблеми на жените за да ги доведе во долг синџир на долгови. Прво би им помогнала да добијат виза и домување, а потоа би барала отплата од 10.000 до 15.000 долари. Ако некој се побуни, следувало тепање, гладување и закани.
Имало и психолошки притисок: девојките верувале дека Кристијана може да фрли проклетство врз нив, бидејќи ги користела традиционалните африкански верувања за дополнително да ги заплаши.
Во овој пекол долговите никогаш не можеле да се вратат, а девојките останувале заробени.
Генералниот директор на нигериската Национална агенција за борба против трговија со луѓе, Фатима Вазири-Ази, рекла дека локалните активисти постојано барале помош од властите на Емиратите, но никогаш не добиле одговор.
© Vecer.mk, правата за текстот се на редакцијата
