Барселона,
скапоцениот
камен на Каталонија и едно од најпосетуваните места во светот, не престанува да
се бори со приливот на туристи – не само поради метежот во редовите, туку и поради
селфи-фотографиите. Токму поради желбата да се долови „совршениот кадар“ со
познатата Саграда Фамилија во позадина, градските власти беа принудени да
реагираат. Решение? Првата „селфи зона“ во овој дел од градот.

Имено,
популарниот парк Плаза де Гауди и тротоарите пред величествената базилика на
Антони Гауди станаа непроодни. Туристите во потрага по лајкови често ги
блокираат минувачите, па дури и сообраќајот, избирајќи да не застанат никаде за
да го фатат иконскиот споменик во кадарот. Некои дури ги запираат ескалаторите
на метрото, чекајќи го „вистинскиот момент“ за фотографија, додека други без
размислување газат директно на коловозот.

Месното
население очекувано го загуби трпението. Зголемените поплаки го наведоа
градскиот совет да објави изградба на специјална зона посветена на
фотографијата – еден вид „влезна сала“ што ќе се простира на 6.200 квадратни
метри помеѓу фасадата на базиликата и паркот Пласа де Гауди, веднаш на Карер де
ла Марина.

Идејата е
едноставна: да се тргнат туристите од улиците и да им се обезбеди безбедно и
организирано место за фотографирање, а во исто време да им се овозможи на
жителите слободно да се движат. Изградбата на новата зона е планирана по
летната сезона, а отворањето се очекува во април 2026 година – симболично, на
стогодишнината од смртта на познатиот Гауди.

Барселона на
тој начин се обидува да најде рамнотежа меѓу туризмот и животот на локалната
заедница, а овој потег може да стане преседан и за другите светски дестинации кои се
соочуваат со слични проблеми.

Забрането е селфи пред позната атракција: Мештаните револтирани, туристите во шок