Ако не сте имале можност да пробате киселица, сега е вистинското време да го направите тоа. На прв залак, може да изгледа како која било друга зелена салата, но нејзиниот свеж, малку цитрусен вкус брзо ќе ве освои, особено во топлите пролетни денови.
Киселицата треба да се купи или набере непосредно пред подготовката, бидејќи брзо венее дури и во фрижидер. Изберете лисја со светла боја, без дамки и оштетувања. Најдобро е веднаш да ја употребите, а доколку мора да ја чувате, завиткајте го во хартиена крпа и ставете ја во сув дел од фрижидерот – не ја мијте однапред, бидејќи влагата може да го забрза расипувањето. Пред употреба, добро измијте ги и исушете ги листовите. Младите листови се особено нежни, па затоа не е потребно да се чистат од стебленцата.
Киселицата можете да ја употребите на неколку начини:
Песто: Заменете го магдоносот или босилекот со киселица за освежителна нота во тестенините.
Варива: Додадете киселица на крајот од готвењето на пролетните чорби за да го освежите јадењето.
Салати: Најдобро е да се употреби во свежи салати, особено ако имате млади листови.
Поради својата специфичност и реткост, киселицата се смета за вистински кулинарски бисер. Киселицата е богата со витамин Ц и долго време се користи во исхраната како додаток.
Сепак, важно е да се напомене: киселицата содржи оксална киселина, па затоа луѓето со проблеми со бубрезите треба да ја консумираат умерено. Исто така, растението е отровно за добитокот и домашните миленици, затоа држете го подалеку од нивен дофат.
© Vecer.mk, правата за текстот се на редакцијата
