Пензиониран пар од Австралија решиле да поминат скоро 500 дена на море откако резервирале 51 последователно крстарење.
Го обиколиле светот затоа што, велат, било поевтино од одење во старечки дом.
Марти и Џес Ансен го започнале своето прво крстарење на 16 јуни 2022 година, по две години тешки ограничувања поради пандемијата „Ковид-19“ во Австралија и продолжуваат со крстарење, едно по друго.
Биле на бродот Princess со 2.000 патници повеќе од 450 дена - подолго од повеќето членови на екипажот, вклучувајќи ги и капетаните.
Сега тврдат дека е поевтино да крстарат по светот две години отколку да платат дом за стари лица.
Тие велат дека предностите на таквиот начин на живот се тоа што секогаш има што да се прави, од танцување до вечера, а собарката им ја чисти кабината. Џес особено ужива во танцување во сала за танц и танцување хула, додека Марти ужива во дружењето со другите патници.
Нивното патување ќе трае уште осум месеци, но планираат да се качат на уште поголем брод за крстарење и таму да поминат една година. Што се однесува до нивното семејство, велат дека ги гледаат кога застануваат на пристаништата во близина на нивните домови.
