Сте слушале, читале и гледале многу за овие познати личности од политиката, уметноста и естрадата но, никогаш не сте знаеле за нивните почетоци - дека се усвоени деца што пораснале во семејства кои од мали ги преземале, воспитувале и потоа се издигнале до височините во своите професии.
Некои од најпознатите луѓе ги чувале интимните детали од својот живот за себе - како што се нивните приказни за посвојување.
Подолу, собравме неколку познати личности за кои можеби не сте знаеле дека се посвоени, вклучувајќи го претседателот на САД, наградуван режисер и многу други.
Никол Ричи
Ѕвездата на ријалити-шоуата Никол Ричи беше посвоена од пејачот Лајонел Ричи и неговата прва сопруга, Бренда Харви, откако нејзините биолошки родители повеќе не можеа да ја издржуваат. Во 1983 година, кога имаше околу четири години, нејзините родители ѝ дозволија да се пресели кај Ричиеви. Пет години подоцна, Лајонел и Бренда официјално ја посвоија, а таа го зеде презимето на семејството Ричи.
Нелсон Мандела
Првиот претседател на Јужна Африка, Нелсон Мандела, беше посвоен од началникот Џонгинтаба Далинџебо откако неговиот татко почина од белодробна болест во 1930 година. Мандела порасна со кралското семејство во палатата и посетуваше методистичко училиште.
Ненси Реган
Ненси Реган, родена како Ан Франсес Робинс, го доживеа разводот на своите родители во 1928 година. Откако помина време со нејзината тетка и чичко во Мериленд, таа се пресели во Чикаго со нејзината мајка, која се преомажила. Во 1938 година, новиот сопруг на нејзината мајка, истакнат неврохирург, официјално ја посвои. Во тоа време, таа официјално го промени своето име во Ненси Дејвис и оттогаш го нарекува својот очув како свој татко.
Џон Ленон
Иако родителите на Џон Ленон, Џулија и Алф Ленон, никогаш официјално не се разведоа, сестрата на неговата мајка, Мими, го презеде старателството над него. Ленон, за многумина лдиерот на славните Битлси, на крајот го изгуби контактот со својот биолошки татко, но остана во контакт со својата мајка до нејзината смрт во 1958 година.
Лана Кондор
Ѕвездата на „Сите момчиња што ги сакав порано“, Лана Кондор, и нејзиниот брат беа посвоени од Виетнам во 1997 година кога таа имаше пет месеци. Нејзините посвоители, Мери Керол и Роберт Кондор, ја преименуваа во Лана Тереза Кондор. Во јули 2024 година, Кондор сподели на Инстаграм дека нејзината мајка посвоителка починала.
Џејми Фокс
Актерот Џејми Фокс бил посвоен од неговите баба и дедо, Естел и Марк Тали, на седуммесечна возраст. Сепак, Фокс не дознал дека е посвоен сè додека не наполнил пет години. До ден-денес, тој нема никаква врска со своите биолошки родители.
Стив Џобс
Стив Џобс, покојниот коосновач на Apple, пораснал знаејќи дека е посвоен. На неговите биолошки родители не им било дозволено да се венчаат поради неодобрувањето на неговиот дедо по мајчина линија кон неговиот татко, кој е Сириец. На почетокот, биолошката мајка на Џобс одбила да ги потпише документите за посвојување бидејќи потенцијалните посвоители, Пол и Клара Џобс, немале високо образование. Кога Џобс бил постар, ја запознал својата биолошка мајка и сестра.
Стив Џобс често го наведувал своето посвојување како извор на мотивација за неговите достигнувања.
Бил Клинтон
Биолошкиот татко на поранешниот претседател Бил Клинтон, Вилијам Џеферсон Блајт III, починал три месеци пред да се роди Клинтон. Во 1950 година, кога Клинтон имал четири години, неговата мајка се омажила за Роџер Клинтон постариот, давајќи му го презимето по кое сега е познат. Личното искуство на Клинтон со посвојувањето можеби влијаело врз Законот за посвојување и безбедни семејства, кој тој го потпишал во 1997 година. Законот обезбедува финансиски стимулации за зголемување на посвојувањата од јавниот систем за згрижување.
Мерилин Монро
Мерилин Монро (родена како Норма Џин Мортенсон) всушност никогаш не била официјално посвоена. Бидејќи нејзината мајка била ментално нестабилна, таа го поминала детството преселувајќи се низ згрижувачки семејства и дом за запоставени деца. Откако нејзината мајка била хоспитализирана, семејните пријатели и старатели го презеле старателството над неа, но законското посвојување никогаш не се случило.
© Vecer.mk, правата за текстот се на редакцијата
