Кадаифот се прави лесно и брзо, а марифетот е да ја погодите врелината на шербетот кога се истура врз кадаифот. Во некои од маркетите го има веќе и полуподготвен, но ако сакате домашен еве рецепт:
Потребни состојки:
400 грама кадаиф
800 грама шеќер
1 л и 200 мл вода
1 пакетче ванилин шеќер
80 мл зејтин
150 грама сечкани бадеми или ореви
80 грама суво грозје
1 лимон
1 портокал
Начин на приготвување: Кадаифот се реди во плех, потоа се попрскува со зејтин и се пече околу 1,5 до 2 часа во рерна загреана на 150 степени.
Бадемите ги сечкаме ситно, лимонот и портокалот ги сечкаме на тенки тркалца.
Во тенџере ја ставаме потребната количина вода со шеќерот и ванилата. Ги додаваме и лимонот и портокалот.
Шербетот го вариме 20 минути на тивок оган се додека не добие жолта боја и да се згусне. Откако ќе ни се испече кадаифот го оставаме да се олади. Одозгора ги редиме насекаде подеднакво бадемите и грозјето, потоа и лимонот и портокалот.
Исто така, и шербетот треба да се излади или да биде млак. Така треба бидејки ако го полиете со топол шербет ќе се залепат конците.
На здравје!
© Vecer.mk, правата за текстот се на редакцијата
