Иако се чини дека се лесни за правење, за многу луѓе палачинките и не се најдобри кога ќе се испечат - или се тегави, или дебели, лепливи... Затоа ви ги откриваме триковите што ги користат професионалните готвачи. Со нив, вашите палачинки ќе бидат совршени.
1. ПРАВИЛО
Без разлика дали правите палачинки според рецепт или од памет, одземете две лажици од вкупната количина брашно што сте ја подготвиле за палачинките и наместо тоа додадете две лажици скробно брашно (густин).
2. ПРАВИЛО
Пред да го измешате брашното со сите други состојки, не заборавајте да го просеете низ сито.
3. ПРАВИЛО
Користете сода бикарбона тоа ќе ви помогне печените палачинки да бидат меки. Но, не претерувајте, половина лажичка ќе биде доволна.
4. ПРАВИЛО
Ако користите сода бикарбона во рецептот за палачинки, не заборавајте да ја просеете заедно со брашното пред да ги додадете другите состојки.
5. ПРАВИЛО
Изрендајте кора од лимон, портокал или мандарина во смесата за палачинки, тоа ќе им даде посебен вкус и мирис!
На здравје!
© Vecer.mk, правата за текстот се на редакцијата
