Овој раствор се состои од вода, оцет, сол и малку шеќер и е практичен бидејќи може да се користи за различни видови зеленчук – од краставици и пиперки, до моркови и цвекло. Најважно е да знаете кога да го истурите ладно, а кога топло, бидејќи токму тоа прави разлика во вкусот и текстурата.
Рецепт за универзален раствор:
• 1 л вода
• 250 мл оцет
• 1 лажица шеќер
• 4 лажици сол
Подготовката е едноставна: водата се вари со додаден шеќер и сол, потоа се истура оцет и сè добро се меша.
Зачините како што се бибер, коријандер и сл. се додаваат по желба.
Како да се користи растворот?
Ладен раствор е најдобар за зеленчук што се чува суров во тегла, како што се пиперки, краставици, карфиол, зелени домати или лути пиперки – на овој начин тие остануваат убаво крцкави.
Топлиот раствор се користи за зеленчук кој претходно е бланширан или делумно зготвен, како што се моркови, цвекло, зелен грав или тиквички – на овој начин зеленчукот подобро ја апсорбира аромата и трае подолго.
© Vecer.mk, правата за текстот се на редакцијата
