Сопственикот и уредник на Телевизија Пинк, Жељко Митровиќ денеска на својот официјален Твитер профил објави дека лансира нова телевизија наречена „Главна ТВ“. Оваа телевизија нема да има вработен иако ќе има многу програми во живо и целата работа ќе ја работи вештачката интелигенција.
Како што напиша Митровиќ на Твитер, ова ќе биде единствената телевизија од ваков тип во светот, а во видеото подолу претстави и еден од „новинарите“ на оваа телевизија кој ќе ја води емисијата „Важни вести“ и се вика Србијанка Н.
„Покрај „Елита“, еден од најважните медиумски проекти за мене оваа сезона ќе биде лансирањето на новиот телевизиски канал „Главна ТВ“. Ова сигурно ќе биде единствената телевизија во светот која нема да има ниту еден вработен, жив човек, а многу програми во живо, вештачка интелигенција, серверско машинско учење и дигитални виртуелни системи ќе претставуваат револуционерен чекор напред во планетарната ТВ индустрија! Денеска ќе ви ја претставам првата од 20-те дигитално-аватарски новинари на редакцијата, која ќе ја води програмата под името „Важне вести“, се вика Србијанка Н“, напиша Митровиќ на Твитер.
Pored “Elite”, jedan od meni najvažnijih medijskih projekata u ovoj sezoni, biće i puštanje novog televizijskog kanala “Glavna Tv” . Ovo će svakako biti jedina televizija na svetu koja neće imati ni jednog zaposlenog, živog čoveka a mnogo programa uživo, veštačka inteligencija,… pic.twitter.com/srfWGPgeBr
— Željko Mitrović (@zeljkomitrovic) August 8, 2023
© Vecer.mk, правата за текстот се на редакцијата
