Врховниот суд на Италија донесе одлука вработените во угостителството да плаќаат данок на бакшиш, што се смета за дел од приходите на работниците, поради што подлежи на оданочување.
Бакшишот се заработува врз основа на ефикасноста на работа, па затоа се пресметува како приход „врз основа на впечатокот што го остава вработениот“.
Одлуката на Врховниот суд дојде по жалбата на Агенцијата за приходи против вработената во луксузен хотел на островот Сардинија, која е обвинета за неплаќање данок, откако заработила 83.650 евра од бакшиш за една година.
Судот се потпираше на делот 51 од Законот за данок на доход, кој воведе сеопфатен поим за приходот на вработените, така што приходот повеќе не е ограничен на платата обезбедена од работодавачот.