Милијардерите изгубија 208 милијарди долари за еден ден по царините на Трамп
Според пресметките на Блумберг, 500-те најбогати луѓе во светот вчера изгубиле вкупно 208 милијарди долари поради падот на акциите по воведувањето царини од страна на администрацијата на претседателот Доналд Трамп.
Ова е четврти најголем еднодневен пад во 13-годишната историја на индексот на милијардери на Блумберг, а воедно и најголем од врвот на пандемијата „Ковид-19“.
Најголеми загуби се забележани кај шефовите на американските технолошки гиганти. Основачот на Мета, Марк Закерберг, загуби најмногу – 17,9 милијарди долари – откако акциите на неговата компанија паднаа за 9 отсто, пишува Блумберг.
Џеф Безос изгуби 15,9 милијарди долари бидејќи акциите на Амазон исто така потонаа за 9 отсто за еден ден.
Илон Маск загуби 11 милијарди долари, со што вкупните загуби од годината до денес достигнаа 110 милијарди долари.
© Vecer.mk, правата за текстот се на редакцијата
