Германскиот производител на оружје Рајнметал оствари рекорден профит од 1,5 милијарди евра, а уште повеќе очекува во 2025 година, со раст на продажбата од 25 до 30 отсто.
Компанијата објави консолидиран раст на продажбата од 36 отсто во 2024 година, при што продажбата во одбранбениот сектор се зголеми за 50 отсто. Рајнметал предвидува дека продажбата во одбранбениот сектор годинава ќе порасне за 35 до 40 проценти.
Минатогодишниот раст на продажбата помогна оперативниот профит на Рајнметал да достигне рекордни 1,48 милијарди евра, што претставува зголемување од 61 отсто. Оперативната маржа за годината беше 15,2 отсто, што е повеќе од 12,8 отсто во 2023 година.
На крајот на минатата година, Рајнметал објави дека заостанатите нарачки исто така достигнале рекордни 55 милијарди евра. Компанијата очекува „големи нарачки од воени клиенти“ во наредните години.
Германската компанија нагласи дека сегашните прогнози не ги земаат предвид неодамнешните геополитички настани поврзани со војната во Украина и европските одбранбени трошоци, додавајќи дека ќе ги прилагоди прогнозите „бидејќи барањата на воените клиенти стануваат поконкретни во текот на годината“.
Рајнметал се опишува себеси како „најважниот индустриски одбранбен партнер на Украина“, кој ја снабдува земјата со воена опрема и логистичка поддршка.
„Со раст на продажбата во одбранбениот сектор од 50 отсто, Рајнметал е на пат од европски снабдувач на системи до глобален лидер“, додаде Папергер.
Престигнат VW
Акциите на Рајнметал, со кои се тргува на берзата во Франкфурт, пораснаа за речиси 88,3 отсто од почетокот на годината, додека акциите на европските производители на оружје пораснаа пошироко поради очекувањата за повисоки трошоци за одбраната од регионалните влади.
Пазарната капитализација на Рајнметал достигна околу 56,6 милијарди евра, во споредба со околу 55,4 милијарди евра на Фолксваген, што ја одразува разликата во позицијата на секторот за производство на оружје и компаниите за производство на автомобили.
Rheinmetall беше издвоен од многу аналитичари како акции што треба да се следат како се развива европската одбранбена стратегија. JPMorgan на почетокот на месецот ја зголеми целната цена за акциите на компанијата од 800 на 1.200 евра.
© Vecer.mk, правата за текстот се на редакцијата
