Шест анонимни сметки на платформата за обложување Polymarket заработија околу 1,2 милиони долари успешно обложувајќи се дека САД ќе го нападнат Иран до крајот на февруари, што е најновиот случај што укажува дека инсајдерите профитираат од воените конфликти.
Пред помалку од осум недели, анонимен корисник на истата платформа заработи повеќе од 400.000 долари правилно предвидувајќи ја инвазијата на администрацијата на Трамп врз Венецуела, удвојувајќи го облогот само неколку часа пред почетокот на нападот.
Сомнителни воени добивки
Според анализата на блокчејн фирмата Bubblemaps SA, сите шест сметки што профитираа од нападот врз Иран беа создадени минатиот месец и се обложуваа исклучиво на тоа кога администрацијата на Трамп ќе ја нападне таа суверена држава. Како што објавува Bloomberg, облозите беа поставени само неколку часа пред да паднат првите бомби врз иранскиот главен град, Техеран.
Една од сметките претходно изгуби пари обложувајќи се дека нападот ќе се случи порано, но последователен облог од над 26.000 долари дека нападот ќе се случи во сабота му донесе профит од повеќе од 174.000 долари.
Во екот на обложувањето за крвопролевање во Иран, обемот на тргување за само еден договор поврзан со времето на нападот на Полимаркет достигна речиси 90 милиони долари.
© Vecer.mk, правата за текстот се на редакцијата
