Германскиот производител на автомобили БМВ денес предупреди дека неговата мрежа на добавувачи е загрозена од недостиг на ретки земни минерали, поради ограничувањето на нивниот извоз од страна на Кина.
БМВ забележува дека, и покрај недостатокот на споменатите елементи, неговите фабрики сè уште работат нормално, објави Ројтерс.
Европската асоцијација на добавувачи на автомобили (CLEPA) соопшти дека неколку производствени линии во Европа се затворени поради недостиг на ретки земни елементи, поради кинеските ограничувања.
CLEPA додава дека од стотиците барања за извозни лиценци поднесени од добавувачи на автомобилски производи од почетокот на април, досега се одобрени само една четвртина, додека некои се одбиени од „чисто процедурални причини“.
Одлуката на Пекинг во април да го запре извозот на широк спектар на ретки земни елементи и сродни магнети ги потресе синџирите на снабдување кои се клучни, пред сè, за производство на автомобили, чипови и воздухопловна опрема.
Овој потег ја нагласува доминацијата на Кина во индустријата за критични минерали, клучна за транзицијата кон „зелена енергија“, што Пекинг ја смета за предност во својата сегашна трговска војна со САД, наведува Ројтерс.
Кина произведува околу 90 проценти од ретките земни елементи во светот.
© Vecer.mk, правата за текстот се на редакцијата
