Нафтоводот „Дружба“, кој транспортира руска нафта преку Украина до Унгарија и Словачка, би можел да се поправи по неодамнешните оштетувања.
Сепак, Украина би можела да го блокира почетокот на снабдувањето со нафта за да изврши притисок врз Унгарија да се откаже од своето противење на нејзиното идно членство во ЕУ, изјави денес словачкиот премиер Роберт Фицо.
„Верувам дека она што се случува денес во врска со нафтата е политичка уцена против Унгарија поради бескомпромисната позиција на таа земја во врска со членството на Украина во ЕУ“, рече Фицо на прес-конференција по состанокот со американскиот државен секретар Марк Рубио во Братислава, објави Ројтерс.
Пред две недели, Русија ја уништи инфраструктурата на нафтоводот „Дружба“ во источна Украина, што исто така ги прекина и испораките на нафта за Словачка.
© Vecer.mk, правата за текстот се на редакцијата
