Имаме млади, талентирани и амбициозни луѓе, имаме стратешка географска позиција, имаме потенцијал да станеме регионален центар за нови технологии, логистика, напредно производство и дигитални услуги, порача премиерот Христијан Мицкоски во своето обраќање на Германско-македонскиот бизнис самит во организација на АХК Северна Македонија.
Нашата задача како Влада, нагласи Мицкоски, е тој потенцијал да го претвориме во реален економски раст и затоа работиме на политики што ќе поттикнат иновации, стартап екосистем, истражување и развој, поврзување помеѓу универзитетите и индустријата, како и поголема поддршка за домашните компании кои сакаат да инвестираат во модерни технологии.
Мицкоски порача дека германските компании не се само инвеститори, тие се партнери во трансформацијата на нашата македонска економија и затоа, како што рече ова е настан кој испраќа силна порака дека партнерството помеѓу нашите две земји не е само економска соработка, туку заедничка визија за иднината.
© Vecer.mk, правата за текстот се на редакцијата
