Овој 45-годишен научник работел во Институтот „Биосенс“ во Нови Сад, каде што се истражуваат и развиваат информатичките технологии за земјоделството.
Директорот на тој институт Владимир Црнојевиќ ја потврди тажната вест.
- Саздовски работеше во Центарот за сензорски технологии. Се вработил во водечка европска институција како искусен научник. Претходно имаше научна кариера - рече Црнојевиќ.
Колегите на Саздовски утрото по трагедијата се собраа во Институтот „Биосенс“. Според нив, Васко работел тука нешто повеќе од една година, во центарот за сензорски технологии, а речиси секој викенд го поминувал дома во Македонија, каде што живеат неговата сопруга и двете деца.
Тргнал кон дома на трагичниот петок, 1 ноември.
Во Нови Сад од денеска е тридневна жалост поради смртта на 14 лица кои настрадаа од огромна настрешница на бетонска станица. Тој дел од зградата, според тврдењата и на кинескиот изведувач и на претставникот на Србија, не бил предмет на реконструкција на зградата на станицата, објави Курир.
© Vecer.mk, правата за текстот се на редакцијата
