Тридневна жалост е прогласена во Црна Гора по вчерашниот ужасен масакр во Цетиње, откако 45-годишниот Ацо Мартиновиќ уби најмалку 12 лица, меѓу кои две деца, а уште четири се повредени.
Според црногорската полиција, Мартиновиќ масакрот го започнал од кафеаната „Велеството“ близу Спортскиот центар на влезот на Цетиње, откако влегол во жестока расправија со лицата кои биле во локалот. Сите жртви ги познавал, биле негови кумови, пријатели и другари.
„Атмосферата се одвивала во најдобар ред. Дошло до инцидент помеѓу него и уште едно лице. Тој консумирал алкохол целиот ден, заминал до куќата, го зел оружјето и лишил од живот четири лица на една локација. По злосторот, тој се оддалечил од местото на убиството и на три локации. Ги убил членовите на семејството Мартиновиќ, членови на неговото семејство и убил две деца не возраст од 10 и 13 години.“
По неколкучасовната потрага Мартиновиќ бил лоциран недалеку од неговата куќа во Цетиње и откако бил опколен, си пукал во главата и починал на пат кон болница.
„Акцијата заврши успешно. Ова лице биле опколено од полициските службеници. Во моментот кога забележал дека се наоѓа во безизлезна ситуација си го одзел животот.“
По страшната трагедија, музичките ѕвезди ги откажуваат концертите кои деновиве требаше да ги имаат во Црна Гора.
© Vecer.mk, правата за текстот се на редакцијата
