Епидемијата на коронавирус заврши, беше речено денес на прес-конференцијата на словенечката влада.
Сепак, како што велат оттаму дел од мерките ќе останат на сила.
Тековните мерки ќе бидат во сила до четврток, а потоа тие можат да бидат преиспитани.
Според словенечките медиуми, носењето маска ќе остане задолжително на затворени јавни простории, исто како и употребата на средства за дезинфекција и одржувањето на пропишаното растојание.
„Денеска е последен ден од епидемијата во Словенија. Епидемиолошката состојба во Словенија е поволна. Секој што ги следеше мерките, одлучи да се вакцинира и пред се постапи одговорно, е заслужен за тоа", рече портпаролот на словенечката влада Маја Братуш на конференцијата.
