Олујно невреме ги погоди северните и централните делови на Босна и Херцеговина, предизвикувајќи мала материјална штета и го отежна сообраќајот.

Откорнати дрвја, оштетени возила и згради се последици од невремето пријавено од Бања Лука, Бугојно, Травник и Коњиќ.

Патиштата на некои делови на  Бања Лука изутрината беа непроодни поради голема количина дожд што падна, а силен ветер го однесе покривот на зградата на основното училиште.

Во Травник, ветрот откорна дрвја и ги оштети фасадите на неколку згради, вклучително и хотел.

Во Коњиќ, штетата е предизвикана од краткотраен град.

Денеска беше прогласен жолт метеоролошки аларм за цела БиХ, со предупредување за потенцијално опасни временски услови.