Унгарскиот премиер Виктор Орбан рано утрово замина за границата со Србија за да провери дали сè е во ред со гасоводот на унгарска страна.
„Велигденски понеделник, 6 часот наутро. Наместо да полеваме, одиме на унгарско-српската граница. Вчера се обидоа да го дигнат во воздух гасоводот на српска страна. Проверуваме дали сè е во ред на унгарска страна. Ќе бидам во контакт во живо со развојот на настаните“, рече Орбан во својата објава на Фејсбук со видео.
Велигденскиот понеделник, вториот ден од празникот што се слави според грегоријанскиот календар, е познат по обичајот на прскање вода.
Вчера, два големи пакети со експлозив со стапчиња беа пронајдени во областа на селата Велебит, Трешњевац и Војводе Зимоњиќ во општина Кањижа.
© Vecer.mk, правата за текстот се на редакцијата
