Еден од членовите на обезбедувањето на Курти го турнал Ѓоци, кога тој се обидел да му пријде и да земе изјава од Курти, му ја зел опремата и ја фрлил на земја.
-Без причина едниот телохранител ме турна и ја фрли целата моја опрема на земја, а другиот наместо да ме замоли да разговараме, ми се закани со зборовите - погледни добро и запомни. Оваа акција беше целосно непотребна и неприфатлива – напишал Ѓоци на Фејсбук.
Инцидентот се случил по средбата меѓу Курти и специјалниот пратеник на ЕУ, Мирослав Лајчак, пред главниот влез на косовската Влада.
Имено, додека Лајчак излегол на еден излез пред поголема група новинари, Курти отишол на друг излез каде го чекал Ѓоци со група колеги новинари.
- Она што ме импресионираше, освен идиотското однесување на овие двајца членови на обезбедувањето на премиерот, е фактот што иако Курти виде и слушна поголем дел од оваа ситуација, тој само ја игнорираше во тој момент, па потоа дури излезе и разговараше со нас - вели Ѓоци.