Како пропадна криминалниот план на Дарко Елез и Веља Невоља да го формираат најопасниот клан во Србија

Криминалниот план на Вељко Беливук (36) и осудениот криминалец Дарко Елез (40) не успеа, пишува Блиц.рс.

Впрочем, планот на Вељко и Дарко бил да ги обединат своите своите тимови и со тоа да го формираат најопасниот клан во Србија. Меѓутоа нивниот план пропаѓа со нивното апсење.

Последните месеци пред апсењето, и Беливук и Елез интензивно соработуваа затоа што имаа сличен начин на работа и ист шеф.

Веља Невоља, покрај сите други криминални активности, беше и главниот човек во Белград за кавчкиот кланот, кој во моментов е еден од главните снабдувачи на кокаин за земјите од Западна Европа.

Беливук и неговиот најблизок соработник Марко Мијковиќ Маре беа задолжени за управување со белградскиот огранок на овој клан, организирање и изведување на сè што беше потребно.

Дарко Елез, кој, според податоците на оперативната полиција, е исто така на чело на неговата криминална група, соработувал со истиот црногорски клан. Соработката со Каваците беше главната врска меѓу овие двајца опасни криминалци кои сега се наоѓаат зад решетки. Невоља е во затвор во Србија а Елез чека екстрадиција во Босна и Херцеговина.

Дека врските меѓу Беливук и Елез беа сè поблиски, потврдува и сведочењето на добро познатиот белградски угостител Александар Кајмаковиќ (46), наречен Аца Босанац, кој беше донесен на распит во вторникот, поради неговите врски со Веља Невоља.

Меѓу другото, тој на сослушувањето рече дека Славиша Кокеза, претседателот на Фудбалскиот сојуз на Србија, го убедил да ги обезбеди локалите „Три шешири“, „Златен бокал“, „Казино“; „Лафајет“, „Темперамент“ и „Бутик 1, 2 и 3“ каде што бил косопственик и да ги даде на навивачите на ФК Партизан.

Безбедноста во Белград со години ја чуваа членовите на криминалната група Беливук, која се криеше зад навивачката група на Партизан „Јаничари“, а потоа и „Принципи“. Иако некое време избегнуваше да го стори тоа, на крајот, Кајмаковиќ ги остави безбедносните задачи во неколку од неговите локали на групата Веља Невоља поради бројни проблеми, вклучувајќи ги и проблемите што му ги создаде Дарко Елез во „Бутик 3“ во 2016 година.

Кајмаковиќ рече дека во 2016 година, кога Елез му правел проблеми и му се заканувал, ситуацијата ја „смирила“ Дијана Хркаловиќ, тогашен државен секретар во МВР и шеф на УКП.

Според неофицијални информации, Беливук и Елез започнале соработка во 2018 година. За тоа зборуваше и министерот за внатрешни работи Александар Вулин кога рече дека „Елез, Беливук и Мијковиќ се поврзан случај“.

– Тие планираа да формираат сојуз и тоа да биде сериозна работа. Прво мораше да го решиме Елез, неговиот криминален клан, а потоа и кланот на Беливук и Мијковиќ. Не им беше дозволено истовремено да бидат во истиот простор – рече Вулин.

И Дарко Елез и Вељко Беливук се осомничени за истите злосторства, дилерство, формирање на организирани криминални групи, справување, рекетирање, насилство и убиства.

Беливук, кој сè уште е под истрага, и неговиот тим во моментов се обвинети за три убиства, Елез е осомничен за две.

Извор.Блиц.рс