Во Србија, нови апсења за случајот со најсуровата српска мафијашка организација предводена од Вељко Беливук, или Веља Невоља кој распарчувал луѓе и правел ќебапи од нив.
Курир пишува дека бил уапсен Б.С., инспектор осомничен за откривање тајни информации на членовите на кавачкиот клан. Инспекторот, наводно, учествувал директно во истрагата за бруталното убиство и тортура врз групата Беливук.
Според Курир, тој бил меѓу првите инспектори кои што влегле во куќата на смртта, каде што луѓето на Беливук мачеле, убивале и распарчувале луѓе.
Тие сè уште проверуваат дали уапсениот инспектор е тој кој откривалл тајни на кавачкиот клан.
Тој во моментов е осомничен за злоупотреба на службената положба и тие испитуваат дали тој само им пренесувал информации на членовите на кланот кои биле на слобода или учествувал во прикривање траги на брутално убиство и тортура.
Тој е само еден во низата инспектори и службени лица уапсени по падот на кланот Беливук-Миjковиќ. Приведени се и други инспектори и полицајци, осомничени дека им помагале на мафијашите.
Уапсени се и Предраг Лајиќ, поранешен началник на одделот за сузбивање на организиран шверц на дрога и Бојан Васиљевски, инспектор началник на одделот за дрога. Претходно беше уапсен Горан Папиќ, поранешен заменик-шеф на Службата за борба против организиран криминал.
Потсетуваме, деталите за злосторствата и работата на мафијашката организација на Веља Невоља ја шокираа српската јавност, откако полицијата ја поврза криминалната организација Беливук со низа убиства на противници и нивно распарчување и тортура.
Откако ги убиле противничките членовите на мафијата, тие наводно му испратиле ќебапи направени од човечко месо на Радоје Звицер, избеганиот водач на кавачкиот клан, кој им доставувал кокаин, а кој потоа го дистрибуирале во Белград и Србија.