Видео: Диди во затвор

- Погледнете како изгледа по повеќе од една година затвор.

Во јавноста се појави видео од Шон Диди Комбс или популарниот Пи Диди од затворот Форт Дикс во државата Њу Џерси, на кое се гледа како тој го поминува денот во затворската библиотека.

Видеото првично го објави американскиот портал TMZ. На видеото, Комбс, облечен во затворска униформа, лежерно разговара со други затвореници и ги извршува своите секојдневни обврски.

EXCLUSIVE 🚨 New video shows Diddy wrapping up his work for the evening on Friday at Fort Dix's media library located in the chapel, where he helps gives movies and religious materials to inmates. pic.twitter.com/wPZ53f15Co

— TMZ (@TMZ) November 23, 2025

Контроверзниот Диди инаку беше уапсен во септември 2024 година по низа сериозни обвиненија, вклучувајќи рекетирање, трговија со луѓе со цел сексуална експлоатација и прекршоци поврзани со проституција. Судењето започна во мај оваа година, а во јули беше прогласен за виновен за транспорт на лица со цел проституција, додека беше ослободен од најсериозните обвиненија.

Во октомври Диди беше осуден на четири години и два месеци затвор и парична казна од 500.000 долари. Казната, исто така, вклучува обврска за учество во програми за ментално здравје и лекување од зависност.