Поранешната балерина (38) опишала што се случило на Инстаграм во среда наутро и напишала дека двајца мажи ја зграпчиле одзади, по што била „потресена“ и целата ситуација ја „уништила“.
Таа тврди дека била физички нападната
„Ужасно ми е тешко да го споделам ова, но вечерва бев физички нападната во клубот Анабел во Мејфер“, напишала таа. „Неверојатно сум благодарна на моите пријатели кои ме заштитија. Ме зграпчија одзади двајца мажи и за среќа луѓето веднаш дојдоа да помогнат. Потресена сум и тажна - тешко е да се поверува дека луѓето можат така да се однесуваат едни кон други.“
Тие се во врска повеќе од 10 години
Иако постои голема разлика во годините меѓу нив, љубовната приказна на легендарниот фронтмен на Ролинг Стоунс и балерината Мелани Хамрик трае повеќе од десет години.
Двојката се запознала во 2014 година, за време на неговата турнеја во Токио. Хамрик тогаш беше балерина во Американскиот балетски театар, а Џегер беше среде уште една светска турнеја. По концертот во Јапонија, тие се запознаа зад сцената и продолжија да останат во контакт дури и откако се вратија дома. Романтична врска започна подоцна истата година.
Во декември 2016 година, тие го добија синот, Деверо Октавијан Бејзил Џегер, осмото дете на Мик и првото на Мелани. Оттогаш, двојката водеше позатскриен живот отколку што би се очекувало од рок легенда.
© Vecer.mk, правата за текстот се на редакцијата
