Таа на Инстаграм откри дека го однела синот во Босна и Херцеговина.
Севе објави видео на кое може да се види како гледа низ прозорецот со нејзиниот син кон илјадниците луѓе кои се собраа на една од најфреквентните улици во Сараево.
„Тој и јас... И 55 илјади вие во Сараево... Каква енергија, сите пеевме и игравме како едно, убави луѓе како едно големо срце... Јас сум среќна жена...“, напиша таа во описот.
Според податоците на МУП на кантонот Сараево, на концертот имало повеќе од 55 илјади луѓе. Северина половина час пред полноќ излезе на сцената и ја дочека Новата година со граѓаните.
На репертоарот беа триесетина од најголемите хитови од нејзината кариера, но и неколку песни кои ѝ се особено драги. Еден од нив беше „Сараево, љубов моја“ од Кемал Монтено, со која ја пречека со публиката 2025 година. Пред полноќ, на сцената ѝ се придружи и градоначалникот на Сараево, Предраг Пухариќ.
За време на нејзиниот настап таа рече дека сака ниту едно дете да не се повреди оваа година. Им пружи поддршка и на студентите од Белград, кои исто така пристигнаа во Сараево. Освен Северина, на новогодишната ноќ во Сараево настапи и Ади Шоше.
© Vecer.mk, правата за текстот се на редакцијата
