Легендарното Бијело дугме неодамна одржа настап во Марибор, а по концертот Ален Исламовиќ и Младен Војичиќ Тифа проговорија за несогласувањата од минатото кои ги следеа.
Имено, во 2018 година по концерт во Будва дошло до физички конфликт меѓу нив.
Тифа наводно му се налутил на Исламовиќ затоа што пеел делови од песната наменети за него. Конфликтот ескалирал откако Тифа му рекол на Ален: „А ти, те молам, во иднина...“, но тој не успеал да ја заврши реченицата, а Ален му возвратил со пцовки, што довело до физичка пресметка. Сепак, денеска тврдат дека зад нив стојат сите недоразбирања. Исламовиќ за српските медиуми изјави дека немаат проблеми и дека сега одлично се сложуваат.
Од време на време, благодарение на Горан Бреговиќ и остатокот од тимот, Тифа ја сфаќаше важноста на пријателството и простувањето. - Ние сме пријатели. После толку години, како што велиме во Босна, се разбравме и си ги простивме многуте грешки. Доживеавме катарза и тоа е навистина нешто за што треба да бидеме благодарни. Тоа го прави животот да вреди да се живее. Ако треба да умрам утре, можам да кажам дека сум среќен – заклучи Тифа.
© Vecer.mk, правата за текстот се на редакцијата
