Имено, Русија за прв пат по падот на СССР одлучи да ги бојкотира Оскарите, пренесува The Guardian.
„Претставништвото на Руската филмска академија одлучи да не номинира национален филм за наградата Оскар на Американската академија за филмски уметности и науки“, се вели во соопштението што го објавија. Откако беше информиран за таа одлука, претседателот на руската комисија за номинација за Оскар објави дека поднесува оставка, а одлуката, за која тврди дека е „донесена зад грб“, ја смета за незаконска.
„Раководството на Академијата еднострано одлучи да не номинира руски филм за номинации за Оскар“, изјави Павел Чукреј.
Русија го доби Оскарот за најдобар странски филм во 1994 година. Филмот на Никита Михалков „Виреното сонце“ ја освои наградата. Филмот ја раскажува приказната за офицер на руската Црвена армија и неговата сопруга, кои се соочуваат со враќањето на нејзиниот поранешен љубовник во текот на 1930-тите.
Михалков, кој го играше споменатиот офицер во филмот, е член на Руската кинематографска унија. Тој е голем поддржувач на Путин, и ја поддржува руската инвазија на Украина, пишува The Guardian. Тој смета дека учеството во номинациите за Оскар нема да донесе никаква корист за Русија. Наместо тоа, тој предложи доделување на поврзани награди меѓу земјите кои некогаш биле дел од Советскиот Сојуз.
„Изборот на филм кој би ја претставувал Русија во земја која всушност моментално го негира постоењето на Русија едноставно нема смисла“, вели тој.
Во 2014 година, руски филм беше номиниран за Оскар во категоријата најдобар меѓународен филм благодарение на филмот Левијатан, а истиот успех го постигнаа три години подоцна со филмот Без љубов во режија на Андреј Звјагинцев.
Поради поделбите околу руската инвазија на Украина, руската филмска и културна сцена изгуби некои почитувани режисери кои емигрираа поради неодамнешните настани. Меѓу нив се Кантемир Балагов и Кира Коваленко, чии филмови ја претставуваа Русија во борбата за номинација за Оскар.
