Во полуавтобиографскиот филм Better Man го глуми мајмунот CGI, а Роби за Би-Би-Си откри зошто одбил да се игра себеси.
"Сакав, но поради тоа ќе морав да бидам одвоен од семејството неколку месеци. Не можев да ја поднесам помислата на тоа", рекол пејачот, кој со сопругата Ајда Филд има четири деца.
„Има еден куп работи што сакам да ги направам, а тоа е подобро само како идеја. Беше кул да се каже на вечера дека се играм себеси во филм. Но, кога дојде време да го направам тоа, ми здодеа идејата“, додаде Роби.
Мајмунот, поточно шимпанзото, кој го игра во филмот е создаден од компанијата Вета. Тие нормално стојат зад ликот на Голум во серијата Господар на прстените, но и еден друг мајмун, Цезар во Планетата на мајмуните. За говорот е одговорен 32-годишниот актер Џоно Дејвис.
Режисерот Мајкл Грејси, кој го режираше и филмот „Најголемиот шоумен“, добил идеја шимпанзо да го игра пејачот. „Сакав да го гледам филмот од поинаков агол“, рече тој.
„Роб често вели: „Јас сум исто како мајмун изведувач“. “, заклучил Грејси.
Неодамна Роб се појави на премиерата на овој филм во Лондон. Таму беше во друштво на својата 45-годишна сопруга, актерката Ајда Филд, со која насмеано им позираше на фотографите. Двојката има четири заеднички деца - ќерките Теди (12) и Коко (6) и синовите Чарли (10) и Бо (4).
© Vecer.mk, правата за текстот се на редакцијата
