На Де Ниро не му се непознати рекламите - тој се појавува во реклами за брендови од Warburtons до American Express, но веста за рекламната кампања на Uber беше проследена со различни критики од обожавателите. Додека на некои им се допаѓа референцата од иконскиот филм, други тврдат дека Де Ниро се продаде.
Иако „Taxi Driver“ е сместен во Њујорк, „Uber“ реши да ја сними својата нова реклама во Лондон, а покрај Де Ниро, во рекламата е и Аса Батерфилд. Де Ниро треба да го каже својот познат цитат во рекламата. "Зборуваш со мене?"
„Таксист“, во режија на Мартин Скорсезе, се смета за еден од најдобрите филмови на сите времиња. Заплетот го следи Тревис Бикл, ментално нестабилен ветеран од Виетнамската војна, кој работи како таксист во Њујорк. Филмот ја истражува психата на Бикл и насилните и опсесивни тенденции со цел да го направи светот подобро место. И покрај неговите мрачни теми, филмот беше инстант хит кај публиката и критичарите.
Писателот на Таксист, Пол Шрадер не бил импресиониран од претстојната реклама на Uber и ги сподели своите размислувања на Фејсбук.
"Уф. Не можам да разберам зошто Боб би го направил тоа. Но, не сум ја гледал рекламата. Ако имам среќа, никогаш нема да ја видам", напишал Шрадер.
