Водителката Савана Гатри на гледачите им најави клип од серијата, а кога камерата се врати на нив, познатиот актер беше снимен со дигнат среден прст.
„Само што направивте непристоен гест во оваа семејна утринска емисија! му рекла водителката, а 75-годишниот актер се бранел: "Не го покажавте, така направив во клипот. Тоа беше клип!"
Водителката му рекла дека тие намерно го исекле тој дел, но Гир тврдел дека клипот „нема смисла“ без гестот и се пошегувал: „Мојата рака го направи тоа, јас сум надвор од контрола“.
Неговиот потег налути дел од гледачите, кои сметаат дека е несоодветен за утринска емисија, додека на некои целата приказна им е урнебесна.
„Кој друг мислеше дека ѝ покажа среден прст на водителката?“, „Добро се снајде“, „Зошто го направи тоа? Не знам“, се дел од коментарите.
© Vecer.mk, правата за текстот се на редакцијата
