Имено, МХД е прогласен за виновен за убиството на 23-годишната Лоик К, објави француската телевизија БФМ ТВ.
Петмина други обвинети исто така се во затвор за убиството и добија казни од 10 до 18 години. Тројца мажи биле ослободени.
Во својата последна изјава пред судот, МХД инсистирал дека е невин.
– Од почетокот тврдев дека сум невин во овој случај и ќе продолжам да тврдам дека сум невин – рече тој, пренесе агенцијата АФП.
Лоик К починал ноќта на 5 јули 2018 година, кога бил удрен од црн мерцедес, а потоа претепан и избоден од десетина лица.
МХД негирал дека бил на местото на злосторството, но локален жител го снимил нападот од неговиот прозорец и мерцедесот бил идентификуван дека му припаѓа на раперот, пренесува АФП.
Новинската агенција соопшти дека другите сведоци го идентификувале по фризурата и ножот.
MHD е познат по мешањето на трап музиката со музиката од Западна Африка во жанрот што тој го измислил „Afro Trap“.
