При претресот на куќата на легендарниот француски актер Ален Делон во Души-Монкорбон, запленети се 72 огнено оружје и повеќе од 3.000 парчиња муниција, пишува The Guardian.
– Делон нема овластување што би му дозволило да поседува огнено оружје – изјави локалниот обвинител.
Претресот бил извршен минатиот четврток и отворена е истрага за недозволено чување оружје и поседување оружје.
Ален Делон е една од најславните и најголеми француска филмска ѕвезда.
Во 2019 година доживеа мозочен удар, по што неговата здравствена состојба беше многу лоша и се најде среде семејна расправија. Имено, од почетокот на јануари трите деца на француската легенда се расправаат и секое од нив се колне дека ќе ги брани интересите на својот татко најдобро што може.
© Vecer.mk, правата за текстот се на редакцијата
