Популарниот шпански готвач Дани Гарсија ја коментираше Викторија Бекам (48) и рече дека имала бизарни и комплицирани барања за време на свадбената вечера на Серхио Рамос и Пилар Рубио.
- Беше многу чудно. Викторија Бекам го смени целото мени – изјави тој во интервју за шпанската телевизија.
- Сакаше се поинаку и да ѝ служиме само зеленчук, а имаше и некои други чудни работи што ги немав видено во животот. Со себе имаше кокосова вода, чинија со нане и хидроалкохолен гел кој сега е многу познат, но не беше тогаш затоа што пандемијата на Ковид се уште не започнала - додаде тој.
Беше многу комплицирано да ја послужам таа вечер“, заклучил тој.
Необичните навики во исхраната на Викторија се предмет на дебата со години.
За време на Евро 2004, таа наводно држела диета со јагоди и минерална вода, а претходно открила дека нема да јаде храна подготвена во масло, путер или сосови и дека нема да јаде црвено месо или млечни производи.
Минатата година, таа рече дека нејзината омилена храна е тост од цели житарки со сол.
„За повеќето ресторани, јас сум веројатно најлошиот кошмар“, рече таа.