Според тамошните медиуми, тој починал од природна смрт.
„Длабоко сме тажни поради смртта на Дејвид Меккалум и чест ни е што 'Си-би-ес' беше неговиот дом толку многу години. Дејвид беше надарен глумец и писател, сакан од многумина ширум светот“, објави „Нејви“ на својот интернет-простор вчера.
Роден е во Шкотска, син на двајца музичари, а имаше филмска и ТВ-кариера што траеше цели 70 години - од неговите студентски денови во 50-тите на лондонската Кралска академија за драмска уметност, каде што негова соученичка била и легендарната Џоан Колинс. Зад себе има 131 филмски и ТВ-проект.
© Vecer.mk, правата за текстот се на редакцијата
