Барбара Бобак пред нешто повеќе од три години стана дел од естрадната сцена во соседството и оттогаш нејзината кариера е на нагорна патека. Има се повеќе луѓе кои ја сакаат и почитуваат нејзината работа, а Бобак има се повеќе закажани настапи.
Но, неодамна изјави дека повеќе нема да пее на приватни забави, бидејќи не и се допаѓа енергијата на ваквите тезги. Пејачката гостувајќи во емисијата „Амиџи шоу“ откри досега непознати детали од една од свадбите на која пеела, кога претепала некултурен и пијан гостин.
На прашањето дали некогаш сакала физички да се пресмета со гостин на настап, Барбара изјавила дека оваа ситуација и се случила на приватна забава.
- На настапот имав физичка пресметка. Еден човек беше многу пијан на свадбата, тоа не беше настап, тоа беше свадба, работев свадба. Човекот беше многу пијан и почна да ми се внесува во лице и со рацете да мавта како да ќе ме дофати, постар беше, еднаш му реков да се тргне од патот, го известив и младоженецот, и кога истото се повтори по трет пат дека го фатив за врат и го треснав од земја. Потоа го изнесоа надвор и му објаснија некои работи, раскажала пејачката.
© Vecer.mk, правата за текстот се на редакцијата
