Статуа на починатата светска музичка ѕвезда Тина Тарнер е откриена во нејзина чест во Тенеси, државата каде што пејачката пораснала, но реакциите на обожавателите се поделени.
Нејзината статуа висока три метри беше подигната во Браунсвил, недалеку од средното училиште што го посетуваше, како дел од годишната церемонија по повод прославата на нејзиното наследство.
Статуата ја прикажува Тина со микрофон во рака и нејзината препознатлива фризура. Скулпторот Фред Ајанога, творецот на статуата, рече дека посветил посебно внимание на нејзината коса, опишувајќи ја како „лавовска грива“.
По откривањето на статуата, на социјалните мрежи се појавија бројни коментари од обожаватели во кои се сугерираше дека статуата треба да се отстрани. „Требаше да се сруши по откривањето.
Тоа е многу лоша реплика на она што треба да биде легендарната Тина Тарнер“, „Ова е вистинско непочитување“, се некои од коментарите. Многумина исто така истакнаа дека статуата е премногу смешна за нив, па ја споредија со холандскиот фудбалер Руд Гулит.
© Vecer.mk, правата за текстот се на редакцијата
