Станува збор за хорор-комедија чиј заплет се врти околу истоимениот помошник на грофот, а него ќе го игра Николас Кејџ, пренесуваат американските медиуми.
Филмот ќе го режира Крис Мекеј (The Tomorrow War), а сценариото е базирано на оригиналната приказна на Роберт Киркман (The Walking Dead).
Во оригиналниот роман на Дракула, Р.М. Реинфилд е психијатриски пациент за кој првично се верува дека страда од халуцинации, но всушност е слуга на Дракула. Заплетот на филмот најверојатно ќе биде сместен во денешницата.
Несомнено е дека Кејџ ќе донесе завидна доза уметничка слобода и вообичаена лудост на која сме навикнати од него, но се чини дека ова ќе биде уште еден во низата ветувачки проекти кои го покажуваат излегувањето на актерот од Б продукцијата.
Критичарите го пофалија неговиот трилер „Свиња“ и наскоро треба да се појави во толку очекуваните „Неподнослива тежина на огромниот талент“ и вестернот „Месарски премин“.
© Vecer.mk, правата за текстот се на редакцијата
