Познатиот рокер Мик Џегер не планира да им го остави највредниот имот на своите наследници.
Според песната на Ролинг Стоунс - не можете секогаш да го добиете она што го сакате, а се чини дека се согласува и фронтменот на бендот Мик Џегер, кој навести дека каталогот на бендот може да оди во добротворни цели наместо да им го остави на своите деца.
Зборувајќи за Wall Street Journal, Џегер рече дека не планира да го продаде каталогот на бендот по 1971 година, сугерирајќи дека наместо тоа би можел да оди во добротворни цели. „На децата не им требаат 500 милиони долари за да живеат добро“, вели познатиот музичар, додавајќи дека ако оди во добротворни цели, „можеби ќе направи нешто добро во светот“.
Џејгер има осум деца - најстарото има 52, а најмладото шест години. Најстариот Карис го доби во 1970 година со актерката Марша Хант. Втората ќерка Џејд (51) ја доби една година подоцна со поранешната сопруга Бјанка Јагер. Пејачот има четири деца со актерката Џери Хол - ќерките Елизабет (39) и Џорџија Меј (31) и синовите Џејмс (38) и Габриел (25). Лукас (24) е роден во 1999 година додека бил во врска со манекенката Лусијана Гименез Морад, а во 2016 година го доби своето најмало дете Девера со кореографката и поранешна балерина Мелани Хемрик.
До денес, бендот сè уште ги нема авторските права на некои од нивните најголеми хитови
Во опширното интервју, Џегер зборуваше и за тоа како ги препознава сличностите меѓу сопственичките проблеми на Тејлор Свифт со нејзината етикета и раната музика на Ролинг Стоунс. Имено, до ден денес бендот се уште ги нема авторските права на некои од своите најголеми хитови.
„Индустријата беше толку во зародиш што ја немаше поддршката и бројот на луѓе кои би можеле да ве советуваат како сега. Но знаете, тоа сè уште се случува. Мислам, погледнете што се случи со Тејлор Свифт! Навистина не ги знам деталите, но таа очигледно не беше среќна“, рече Џегер.
На почетокот на овој месец, Ролинг Стоунс го објавија The Hackney Diamonds, нивниот прв албум по 18 години. Тие ја објавија и песната „Angry“, која исто така се наоѓа на неа, а деновиве бендот објави и дел од песната што ја снимија со Лејди Гага и Стиви Вондер.
© Vecer.mk, правата за текстот се на редакцијата
