Во воведната шпица на новиот филм „Couture“, во кој глуми и неговата мајка, 24-годишниот Медокс е наведен само како „Медокс Џоли“. Во драмата режирана од Алис Винокур, која се појави во француските кина во среда, тој работеше како помошник режисер.
Претставник на Бред Пит, контактиран од „Page Six“, одби да коментира. Интересно е што во шпицата на филмот од 2024 година „Марија“, во кој Џоли ја играше оперската дива Марија Калас, Медокс беше наведен како „Медокс Џоли-Пит“.
И други деца се откажаа од презимето Пит
Медокс не е единственото од шесте деца на поранешната двојка кое јавно се откажа од презимето на својот татко. Неговата сестра Захара (21) го отфрли „Пит“ во 2023 година, за време на церемонијата на воведување во нејзиното студентско здружение во колеџот Спелман, кога се претстави како „Захара Марли Џоли“.
Нивната најмлада ќерка Вивиен го стори истото во 2024 година. Во театарската програма за бродвејската претстава „ The Outsiders“, која ја продуцираше со нејзината мајка, 17-годишната Вивиен е наведена само како „Вивиен Џоли“.
Развод и сериозни обвинувања
Анџелина Џоли (50) поднесе барање за развод во 2016 година, по наводен инцидент во приватен авион, и побара целосно старателство над нивните деца: Медокс, Пакс, Захара, Шајло и близнаците Нокс и Вивиен.
Нејзините адвокати подоцна тврдеа дека Пит „го гушел едното дете и го удрил другото во лицето“ за време на расправија. ФБИ го истражуваше инцидентот, но случајот беше затворен без да се покренат обвиненија против актерот. Поранешните сопружници официјално се разведоа во 2019 година, а постапката за развод беше целосно финализирана во декември 2024 година.
Извор: Индекс.хр
© Vecer.mk, правата за текстот се на редакцијата
