На 18-ти август се навршуваат 45 г. од смртта на кралот на рокенролот Елвис Присли
(1935-1977). Официјално, тој умрел како последица на срцев удар, а на истиот ден 19 г. претходно умрела неговата мајка Гледис.
Сели Ходел, биограф на познатиот пејач, проучувајќи го неговото семејно стебло, дошла до заклучок дека нему му било судено да умре млад бидејќи неговите баба и дедо од мајчина страна биле блиски роднини. Наводно, неговата баба страдала од туберколоза, а Сели верува дека таа наводно била погрешно лечена и имала генертско нарушување кое се пренесувало со генерации. Ситуацијата дополнително се влошила со нејзината мажачка за близок роднина, па најверојатно мајката на Елвис, Гледис, наследила два оштетени гена и имала сериозно срцево заболување кое подоцна го пренела и на нејзиниот син. Од ова дегенеративно заболување на срцето страдале сите роднини од мајчината страна на пејачот, вклучувајќи ги неговата мајка и баба.
Сели Ходел воочила голема сличност на смртта на Елвис Присли со смртта на неговата мајка Гледис која починала на 46 г. поради проблеми со срцето.
И нејзините тројца браќа, вујковците на Елвис, починале во слични години од срцеви и белодробни заболувања.
Ходел истакнува дека Елвис пиел разни медикаменти кои му ги препишувале докторите за полесно да се избори со тешките турнеи. Но, во својата книга Сели тврди дека падот на Елвис Присли не е предизвикан од употребата на лекови, туку поради сериозната болест од која страдал.
Кралот на рокенролот беше пронајден мртов на 18-ти август 1977 г. во бањата на својата куќа во Мемфис. Лекарите соопштија дека починал од срцев удар кој најверојатно бил предизвикан од прекумерната употреба на лекови.
