На Аце од Дрим тим му се оствари сонот не само да се запознае со Новак Ѓоковиќ, туку и да се фотне и да помуабети со него. Музичарот со тенискиот ас се сретнал на Златибор, каде престојуваат во ист хотел.
Поводот за посетата на Златибор им е различна - едниот работи, другиот одмора, ама тоа не ги спречило да помуабетат.
- Ме изненади колку е пријатен и едноставен. Се запознавме, поразговараме, ми кажа дека никогаш не бил во Македонија и вети дека ќе дојде во прва прилика. Особено сака да дојде во Охрид бидејќи слушнал многу убави работи, вели Аце, кој е огромен љубител на тенисот и ликот и делото на Ноле.
