Поп иконата изјави дека исчезнале јакна, корсет, фустан и други предмети од нејзината гардероба, пишувајќи на Инстаграм доцна синоќа дека бара нивно „безбедно враќање“.
Сликите објавени на платформата од страна на Мадона ја прикажуваат пејачката во розови и лаванда модни комбинации.
„Ова не е само облека; тие се дел од мојата историја“, напиша Мадона, додавајќи дека се „надева и се моли“ предметите да бидат вратени.
Пејачката на хитовите „Vogue“ и „Ray of Light“ имаше ненајавен настап во петокот заедно со Сабрина Карпентер на фестивалот во калифорниската пустина, каде двете ја изведоа нејзината класика „Like a Prayer“.
Мадона првпат настапи на Коачела во 2006 година, а подоцна се појави како гостинка во 2015 година за време на настапот на Дрејк.
Пејачката неодамна најави нов албум, нејзин прв по околу седум години. „Confessions on a Dance Floor: Part II“ е закажан за објавување на 3 јули.
© Vecer.mk, правата за текстот се на редакцијата
