Рио де Жанеиро организира бесплатни настани со светски ѕвезди како начин да ги наполни хотелите, баровите и рестораните кои се борат со економската криза во последните години, објави Ројтерс.
Настапот на Мадона на истото место, плажата Копакабана пред една година, исто така, привлече 1,6 милиони луѓе од целиот Бразил и беше најголемиот настап во живо во нејзината децениска кариера.
Официјалните лица велат дека настапот на Лејди Гага, закажан за 21:45 часот по локално време, би можело да привлече уште повеќе луѓе.
39-годишната пејачка, позната по хитовите како „Bad Romance“ и „Poker Face“, последен пат настапи во Бразил во 2012 година, откако го откажа настапот на фестивалот „Рок ин Рио“ во 2017 година поради здравствени проблеми.
Градот проценува дека посетата на Гага, која во голема мера е финансирана од приватни спонзори, би можела да внесе над 600 милиони реали (околу 88,5 милиони евра) во економијата на Рио.
© Vecer.mk, правата за текстот се на редакцијата
