Браун е обвинет за обид за тешка телесна повреда во врска со инцидент од 2023 година што обвинителите го опишаа како „неиспровоциран напад“ со шише, објави Ројтерс.
36-годишниот пејач ги негираше сите обвиненија, објави Танјуг. За време на сослушувањето, Браун зборуваше само за да го потврди своето име.
Во судницата, тој се ракуваше со сообвинетиот Омололу Акинлолу (39), кој исто така ги негираше обвиненијата. Потоа двајцата мажи ја напуштија обвинителната клупа, додека околу десетина поддржувачи на Браун во галеријата со публиката мавтаа во знак на поддршка.
Судот соопшти дека Браун и Акинлолу ќе се појават на суд во октомври. Двајцата се ослободени со кауција до нивното следно прелиминарно рочиште, закажано за април.
Браун, двократен добитник на Греми, доби кауција во мај откако плати околу 6,9 милиони долари, што му овозможи да се впушти во неговата турнеја „Breezy Bowl XX“, која заврши минатиот октомври. Пејачот беше уапсен минатата година во хотел во Манчестер, по што се врати во Велика Британија за прв пат по инцидентот.
© Vecer.mk, правата за текстот се на редакцијата
