Во петтото продолжение на франшизата, 80-годишниот актер ќе изгледа неколку децении помлад, благодарение на вештачката интелигенција. За подмладување биле користени неколку техники, вклучително и софтвер кој го усовршил свежо снимениот материјал врз основа на архивските снимки на младиот Харисон Форд, а резултатот го изненади и самиот актер.
"Ова е прв пат да видам вакво нешто и верувам во она што го гледам. Малку е страшно. Мислам дека дури и не сакам да знам како функционира, но тоа го прави", коментирал Харисон Форд на Империја.
На почетокот на филмот, дејството е сместено во 1944 година, а Инди се бори против нацистите. Пред да се најде во сегашноста, ќе се врати во 1969 година, која ја одбележа трката кон Месечината меѓу Американците и Русите.
Ова е последната авантура на Инди, а филмот ќе се појави во кината во јуни следната година.
